Kokosnuss-Session etc.

Stolz praesentiare mir eu, eusi ersti "selber pfluekti" Kokosnuss (da phippo het si mitem Glanzschuss abem Baum gholt und erledigt). Si hend daen leider noed so guet gschmoekt :-(
Gester hemr au serstmal richtig Indonesisch zmorge gha: Nudle und Riis zum zmorge!

some funny road signs etc.

aso zum erste zeiche aka "Yeti" wo ueber dstrass lauft, muemr folgendes saege. dae mensch da druf isch sicher kein Balines us folgende gruend: 1. han i dae letschte 3-4 Wuche kein Balines gseh wo oepe so korpulent gsi isch wie dae ufem schild 2. en Balines het es motorbike warum daen laufe....
Zum zweite schild muemr saege, es isch noed uebertriibe mit dae steilheit!es giit zimli spektakulaeri strasse da in Bali...
Zum dritte Eiertransport muemr afuege; da isch HARMLOS! giit no vill anderi sache...

Lovina Beach

Momentan simer in Lovina Beach. Da isch so zimli sGegeteil vo Kuta Beach: schwarze Sand, fast kei luuet und zimli Ruhig. Sgeeht au zimli usgstorbe us, wuessed noed oebs waegem End of Season isch oder oebs fruehner mal besser gloffe isch...Leider sind da Priise wieder hoecher, obwohl eigentli im Norde diae aermere Balinese wohned. Underwegs geshtmer immer wieder lustigi Sache (hend bis ez leider no kein guete Schnapschuss vome beladene Velofahrer oder Scooterfahrer choene mache, aber er chund hoffentli no. Isch naemlich unglaubli was dBalinese so choend mit ihrem Chopf transportiaere).

PS: dae Aff hani waeg minere Sister (dae Effi) drufta. Dae gfallter sicher :-)

Lempuyang temple

Da im Norde hemer dae hoechstglegeni Tempel vo Bali besichtet. ueber 2000 Stegetritt sinds bis ue (ca. 1h). dBalinese (Hinduiste) goend dete ca. al 5 Jahr ue, um ihri Seel,Spirit uezbringe... Leider isches dobe zimli neblig gsi, und mir hend nur schlechti Sicht gha. Bim abelaufe hets daen natuerli ufta :-( Bemerkenswert isch au, dasses ca. al 100m en chliine Wartung (Lebensmittelstand) het womer oepis cha chaufe. ...

Wiiteri Riisfelder

da im Norde idae Umgebig vo Celik gsehtmer es par vode schoenste Riisfelder. Isch scho no imposant, es par Kilometer noerdlicher isch naemlich alles wieder ziemlich karg und troche...

Rice fields around Ubud

Ubud is burning .... (nachem Ernte wird dae rest vode riispflanze verbrennt, drum rauchts au meistens ime Ecke vo Bali)

Huet hemr Ubud per Velo erkunde um sruhige Bali zentdecke. Es isch aber noed lang gange, da hemr Gsellschaft vome Balines gha. Es het sich daen usegstellt daser als Riispflanzer arbeitet aber falls gad kei Arbet ume isch, als Trekking Guide schafft. Er het eus i ca. 3h villi schoeni abglegeni Riisfelder, Fluess, Schluchte und es bizli Dschungel zeigt. Mit sim guete Englisch und Fachwuesse het er einiges choene verzelle.

Nachem Ernte lahtmer Gaens uf dRiisfelder um jeglichi Insekte uf e natuerlichi Art zbesitige.

Dae ganzi Riisabau isch alles Handarbeit und drum au e zimlich ufwaendigi Sach. Aso gnuessed snegstmal jedes Riischoerndli!