Golf eusi neui Liideschaft...

Zwuesched dae Regefreieziit und dae Erkundigstrip mit eusem Touriste Guide Bob, hemr agfange Golfspiele. Es isch voellig normal uf daene Golfplaetz da une dae Ball mal im Backcountry zwuesched Kangaroos go hole. Uf ihrem riise Grundstueck heti locker en 18 Loch-Park platz, was aber voellig normal isch da une. Wiiter findet mer e Freshwater Lobster Zucht und no es par grasendi Chue fuer dae taeglichi Bedarf a Fleisch ume.


Thanks to Bob and Gail for a great time!

Around Walpole visiting Bob and Gail

Nacheme gsellschaftliche Wuchenend mit Komiker us dae ganze Welt simer am erst beste Tag richtig Walpole gfahre. Chum acho bi Bob und Gail, simer miteme 4-Wheeler uf Erkundigstour ufbroche. Ueber sValley of the Giants mit riisige alte Bauem, gsperrte Strasse, Beaches, Sandduene und Ocean-Inlets hemr scho recht vill am erste Tag daerfe gseh. Momentan simer aber immerno uf schoeners Wetter und bessere Swell am Hoffe. Gluecklicherwiis daerfemr da i daem schoen Huus mit bezaubernde Landschaft absiits vo jeglichem Verkehr lebe. Waemer ufem WC hockt, chamer vielmals diae iheimischi Tierwelt beobachte. Dae Menuplan beinhaltet meistens vil Zuetate usem eigene Garte, wobi au sTrinkwasser usem eigene Regebehaelter stammt.

Wetterprognose: Regen, Thunderstorm, Regen, ...

Zum Glueck hemer ein Tag trochnigs Wetter gha und hend diae schoene Beaches in Esperance und Umgebig bi Sunnestrahl aber starkem Wind choene gnuesse. Waeg dem folgende schlechte Wetter hemr eus entschiede wiedermal euses "Zelt" sprich Auto ufeme Caravan Park abdstelle um in Gnuss vonere bedachte Cooking Station zcho. Uf daem Park in Hopetoun wohned meistens Minearbeiter wo interessanti Gschichte zverzelle hend. Wil diae meiste Strasse im naheliegende Fitzgerald River National Park ueberfluetet gsi sind, hemr am negste Tag sogar mal moese umchehre und hend en schlussendlich uf teerte Strasse umfahre. Nachere wiitere regnerische Nacht ufeme noed nennenswerte Caravan Park in Bremer Bay und wiitere schlechte Wetterprognose, hemr wiedermal de Drang gha es richtigs Dach ueberem Chopf zha. Schlussendlich simer im Backpacker in Albany glandet. Trotz gwitterige Bedingige und eventuell Begaegnige mit groessere Fisch im Wasser hemr eusi ersti Surfsession in Albany hinder eus bracht.

The Grand National Park

Momentan simer grad in Esperance und hend e Nacht im Grand National Park verbracht. Waered wahrschindli nochli laenger bliibe hetmr me Benzin und Esse mitbracht (Afangerfehler!). Hend nach laengere Ziit au wieder mal Meerwasser gschluckt (ca. 17 Grad nur).

Hit the vast mines

Nach wiitere 400km simer am nexte Tag in Kalgoorlie acho. E Stadt wo nur vode Mine lebt. Zwingendermasse simer daen au mal in Untergrund gstoche. Sind en alti Goldmine go besichtige. Leider het eusi Guide alles anderi als e schoens Englisch gredt und drum hemr praktisch nuet vo sine wahrschindli durchuus interessante "Minegschichtli" mitbecho. Au diae legendaeri Super Pit Mine hemr bestuunt. Dia chliine Lego Autos ufem Bode hend so riise Schuufle wiae so euni wo de Philipp druf isch. Es isch scho abartig gross dimensioniert!

Heading down to the South

Am erste Tag uf eusem Trip in Suede simer nach Hyden de beruehmti Wave Rock go inspiriaere. Sicher, diae Form vo dem Fels isch fuer sones Surf-verruckts Land wiaes Australie isch en Attraktion, aber mir hend dae ganz Trubel noed so verstande. Zum Glueck ischer sowieso uf eusem Weg gsi und hend diae 250km noed umsust gmacht. Hend daen gluecklicherwiis fuer dae Abig es verlassnigs Huettli gfunde womer gschuetzt vom Wind und Rege eusi Chuchi hend choene ufstelle....

Back to work

Philipp insists on helping to fix the roof the second day, does he miss his work? :-) Finally we all had a bloody shovel, pipe or whatever in our dirty hand. On the third pic can you see old bricki Neil with his beloved grinder, if you have a more precise look than you can also discover our dusty bird "Chicco" puking his guts up.

Freezing welcome in Perth

Back to the reality, back to about 12 degrees. But a warm welcome and picking up from Neil at the airport, though. Finally a good Australian dinner (means tender T-B's topped with prawns...) cooked by Judy. We had to use three blankets for our first night!