Surfing in Raglan

Endlich hemrs au na nach Raglan gschafft; Surfermekka vo Neuseeland und Drehort vo "Endless Summer". Hend underanderne bekannti Gsichter vo Indonesie troffe. Bi meist herrlichem Wetter hemr diae konstante Swellbedingigae voll usgnuetzt und sind nur usem Wasser um eusi Glycogenspeicher wieder ufzfuelle. Obwohlmer direkt nebetem beliebtiste Surfspot uebernachtet hend, simer scho vorme Sunneufgang noed elei im Line-up ghockt. Es par Impressione vo eusne Luet, Lebe und Welle-Riit Kuenst...

Republic day in Whangamomona

En chliine Weiler (ca. 60 Einwohner) platzt jewils al zwei Jahr us alne Naeht und zelebriert uf eigeni skurrili Art ihri Unabhaengigkeit. Nebet Opossumhuete (siehe Bild), Schafrenne und -Schere hets no spar verschiedeni Live Bands am Abig gha.

Surf Highway 45

Noed umesust isch dKuestestrass rund um dae Taranaki zum Surf Highway tauft worde. Mer het dQual der Wahl bismer sich fuer en Spot geinigt het. Meistens hemr eusi Boards in Opunake zwuesched black sand, black rocks und schuemende Wassermasse sicher (bis jetzt...) platziert.
Meistens hetmer dWelle fuer sich eilei (mer mues si au noed mit Haifisch teile) und chan nachmem surfe gmuetlich es Bad nae im Suesswasser.

Mt. Taranki (2518m)

Euse Bergfuehrer het nebetem "farmere" au mal Ziit gfunde zum eus uf dae Huusberg zlotse. Obwohl er scho bald es par Jaehrli ufem Buckel het, waehlt er jewils dae steilsti Ufstig vode Ostflanke. Nachere churzere warm-up Partie ufeme offizielle Wanderweg, Schotterpiste im Mittelteil simmer via Chletterpartie uf alne Viere ufem Summit acho. Euse Bergfuehrer het e erstuunlichi Fitness an Tag gleit (vilich chund das devo, dasser anstatt en Quad wiae al andere Farmer benuetzed, eifach alles im Laufschritt erledigt).
Euse Abstieg hemr einiges schneller bewaeltigt. Mir, al userer grosse Ski-Nation, hend eifach e grosses Schneefeld als Abfahrtspiste benuetzt und so rutschend Hoehemeter vernichtet.

Living like a Swiss-Kiwi-Farmer

I daene 3 Wuche da uf de Farm hemer e gueti Work-Life Balance daefe fuehre: chli Schaffe im Stall, em Wohnhuus en neue Glanz verleihe und zwuescheddure eine vo daene zahllose Surfspots idae Umgebig checke ;-) Dae Tag isch jewils abgrundet worde vome waehrschafte schwyzer Znacht vo eusere Super Choechin Erna, wo sogar eusi persoenlichi Wuensch beruecksichtigt het (Raclette). Merci viellmal Familie Zimmermann!

Chliini Amerkig zu daere Chueh ufem letschte Bild: Er isch eine vode zwei Bulle wo dae Migi bsitzt und jedesmal fuer en hoechere Adrenalinspiigel verantwortlich, waemer in Melchstall muen...

stunning Taranaki in the back

Nach daemer sgschafft hend eusi 3 Begleiter mit so komischem Liecht ufem Auto zabschuettle, simmer im eher flaechere teil ide Schwiizer Region Manaia ade Westkueste acho. Bi euisne liebe Farmer hemmer de au doefe blibe und sofort Badhose gege sUebergwaendli ih tusche! Los ischs gange mit Heuie wo dae Philipp gschwind es paar Traktor Inschtruktione becho het und fuer di negschte 3h vorere herrliche Kulise vom Mt. Taranaki am ume Kurfe gsi isch! Au de Gery het gat choene a packe und isch mit em Meischter persoendlich wider am iHage und Repariere gsi, bevors de am Abig in Stall zude Kueh go Maelche gange isch:-) Underwegs simmer bi schoene Wieh Regione verbi cho und hend so schoeni selber usbaueni Camper-Mobil doefe beschtuhne!

Awesome start into the new year in Gisborne

als ersts uf daere Welt hemr dsunne im neue jahr erblickt. me mues au hervorhebe, dassmer im gegesatz zu Down Under zimli mit sunne verwoehnt werdet:-) hend 3 schoeni Festival-Tag im ebeso schoene Gisborne erlebt.
da mir momentan ender spaerlich mit chuchimaterial usgruestet sind, isch euse Dinner amigs noed so ufwendig. Defuer hemr sicher jedesmal eini vode schoenste Ussichte gwaehlt zum dAbigsunne gnuesse!