Valle Elqui

Tal vom Nationalgetraenk, em Pisco Schnaps (chund us dae Pisco Truube). Mer findt au diae groesste Observatorium vo dae Welt , wils uber 330 Taeg im Jahr sterneklar isch! Nebed de karge Felse wo bis uf 6000MuM goend ischs Tal dank de imense Bewaesserig gruen und sehr fruchtbar.

Vina del mar, Valparaiso

Sind ide UNESCO World Heritage Stadt Valparaiso acho. Seinzigartige adere Stadt, sind diae viele colorierte Hueser wo eng nebetenander ade zahlriche steile Huegel erbaut worde sind. Einzigartig sind au, meistens ueber 100 Jahr alte, Funiculaire (Aufzueg). Hend dae Geburtstag vode Desiree und eusem chilenische Koleg ame Asado (BBQ) fiire.

Pichilemu

Nach eusem Trip in Suede, hemr eus chli Surfziit im weltberuehmte Pichilemu verdient. Da smomentan grad ¨out of season¨ isch und das Doerfli praktisch usgstorbe isch, hemr billig im Hostel direkt nebetem Beach choene logiere. DWelle kenned zum Glueck kei Nebetsaison, so simmer mit schoene Welle praktisch jede Tag beglueckt worde. Dezue muemr aber erwaehne, dass diae schoene Lefthanders Liebi und Hass uf eimal choend si. Sobald dWelle chli groesser sind isch au dStroemig zimli stark, so simmr a gwuesse Tage me am gege Stroemig am paddle gsi als Welle surfe...
Dae Surfspot mit dae zwei markante Felse isch Punto Lobos! Da hets nemal Welle bis 8 Meter, aber scho dae istiig is Wasser isch zimli tricky. Mer mues naemlich zwuesched chliine Felse zu daene zwei Felse paddle und daen nach vorne chlettere. Daen verwuetschtmer hoffentli dae richtig moment und gumpt direkt id Impact Zone (det wo dWelleufschlaht)! Punto Lobos isch dementsprechend vo eus no ungsurft....

Bike Tour in Villa Ricca und Ferienhauser in Pichilemu

Diae schoenste Salamander (oder wiae au immer diae Reptilie heissed) findtmer noed in Australie oder Neuseeland, sondern da in Chile!
Uf daere Isebahnbrug isch scho laenger kein Zug me gfahre, het naemli nur no luuter loosi Bretter mit vil Loecher als Bode. Fuer e guets Fotisujet eignet sie sich aber umso besser.

Villa Ricca

Uf eusem Trip in Suede nach Puerto Varas und Villa Ricca simer mit schoenem Wetter beglueckt worde. Hend demensprechend uf euse Wanderige und Velotour herrlichi Ussichte uf diae zahlriiche Vulkaen choene gnuesse...

Santiago, Pelarco

Nachdem mir am Flughafe vode Rebecca (Schwoester vom Philipp) und ihrem chilenische Koleg abgholt worde sind, hemr eus mal wele en Ueberblick vo Santiago schaffe. Leider hemr dUmriss vodae Ande und dae Stadt nur choene erahne, wil dae Smog en Blick id wiiti verhinderet het. Reise tuetmer da in Chile mit zimli moderne Bus und nemal au per Autostopp. Leider hemr dae Luxus vo eusem eigene Auto nuem und muend drum serstmal uf eusere Reis nebetem Gepaeck no eusi Surfboards dur Chile traege....

Novedad de CHile

Neue Kontinent, neus Land, neui Sprach - aber immerno Summer! Huet ca. 28 Grad und scho eimal sPortomonnaie klaut. Hasta luego!

Queenstown und Umgebung

Nebet dae villne Adrenalingladene Sportarte het Queenstown au e schoeni Landschaft zbuete.

Sky diving in Queenstown

Ufgwache am Morge und an Himmel gluegt, hemr gwuesst, es giit kei bessers Wetter zum usem Flugzueg sgumpe! Nachdemer eus durch sAdministrative durekaempft hend (oder besser eifach unterschriibe hend, wil sowieso nur sworst-cae scenario beshriibe isch) und Materialwahl vo eusem Sarg gwaehlt hend, isches los gange uf dae !privat! Flugplatz. Fuer flug-Details bitte jede Einzel kontaktiere...

Milfordsound

Milfordsound isch natuerlich au uf eusem Routeplan gsi. Leider hemr noed ganz dae schoen Tag erlebt (was i daere Region mit ueber 300 Regetaeg noed erstunlich isch), aber doch hemr diae spektakulaers Szenerie mit dae gletschergformte Umgebig wo sich usem Meer usehebt, bewunderet.
Da es sich im Suede nur miteme dicke Neopren surfe laht, muend diae zwuescheddure au troechnet werde (stinke tuends aber trotzdem).

Oamaru boulders and sunset at the westcoast

Nacheme kurze Abstecher is Landesinnere hets eus wieder zrug ad Ost-Kueste zoge. In Oamaru hemr ussergwohnlich rundi Stei vorgfunde, wo eus no en Schnappschuss erlaubt hend.
Im Gegesatz findtmer ade ruche Westkueste steili Klippe und vielfach vereinzelti Inseli wo grad so guet e schoens Bild hergaebed.

Mount Cook

Mount Cook

Eusi Reis isch wiiter richtig Landesinnere zum Mount Cook gange. Nach mehrere Taeg rege, chuehle Naecht und nebelverhangene Berge isches daen doch no ufgange und mir hend es herrlichs Panorama uf eusere Wanderig id Mueller Hut gnosse. Schoene Wetter het eus daen au no en imposante Blick uf diae Gletscherwelt erlaubt.