Choquequirao - 3 Tages Hike

Diae pitoresk Landschaft het eus bi wiitem entschaedigt fuer diae schwer Last vo eusne Rucksack (Equipment fuer 4 Taeg) womer diae steile Bergflanke im ZickZack deruf gschleikt hend! dRuine sind wieder mal zoberst ufeme Berggipfel ibetet gsi. Umringt vo Agrarterrasse wo a atemberaubende steile Abhaeng glangt hend...

Choquequirao - 3 Tages Hike

Anstatt Machu Picchu, hemer diae chli Schwoester bsuecht wo einiges weniger Touristisch isch. dStadt isch nur duren 3 bis 5 taegige astrengende Hike ueber Paess und Taeler erreichbar. dStadt isch bis ez nonig vollkommen erforscht. Experte schaetzed, dass erst 30-40% usgrabe und entdeckt isch. Wiae bi villne Inkabauwerk, chamer au da bi gwuesse Inkabauwerk nur ueber dae Zweck spekuliere.

Sacred Valley - Pisac

Im heilige Tal findtmer mit Abstand diae meiste Ueberbliibsel. Au mir hend eus uf dae Weg gmacht und diae Berge erklumme wo sie ihri Tempel, Agrarzone und Wohnstaett mit erstuunlich praezise Steikunstwerk erschaffe hend. Wiaemer ufem Bild vom Phippo erkennt, sind diae Muure schraeg erstellt worde, das als Massnahme gaege Erdbebe. Ufem andere Bild erkenntmer Terrasse fuer ihri Agrarwirtschaft (hend vor allem Quinua, es alts Inkakorn abaut).

Cusco - Archologische Hauptstadt von Suedamerika

Cusco e wunderschoeni Stadt, die verschiedeni Steielement vode Inka und PreInka Ziit mit Ifluess vode Spanier vermischt. Glaege uf 3310 zwuesched Huegel mit verschiedene Ruinestaett. Startpunkt fuer jeglichi Trips id Region um Inkabuildings zbestuune.

Copacabana und Isla del Sol

Westlich ade Grenze zu Peru, liit dae wunderschoeni Titicacasee. Sanft ibeetet zwuesched 2 Huegel liit dae Pilgerort Copacabana mit sinere majaestaetische Basilika. Vo daet us hemr slaengsaemste Boot uf dae Welt richtig eigentli nahglaegene Isla del sol gno. dInsle isch en Wallfahrtsort fuer dInkas und vorallem diae andere native Voelker gsi wo dete ihri bluetigi Ritual vollzoge hend.

La Paz (3600MuM)

No paz en la Paz! dStadt selber isch sicher keis architektonischs Kunstwerk. Aber wia diae Hueser id Berge baut sind und diae atemraubendi Bergkuliisse rundume mit dae 6000er isches sicher en Absteche wert gsi! Au dae Hexemaert isch speziell mit z. Bsp dae Lamafoete wos als Gluecksbringer vor jedem neubaute Huus vergrabed.

Potosi und andere Impressionen aus Bolivien

Potosi diae hoechstglegeni (4060m) und fruehner diae groessti und riichsti Stadt vode Erde. Zverdanke hetsi das ihrem Silbervorkomme, das scho 400 Jahr aduured. Defuer hend scho 8 Mio. Mensche ihres Lebe moese la. Diae fruehrigi Muenze vo Spanie sind al in Potosi produziert worde und hend drum Praegig Pts (=Potosi) gha.

Salar de Uyuni Trip

Dae hoechsti Punkt hemr mit knapp 5000m erreicht, sind daen au "Schnuuftechnisch" a eusi Bewegigsgrenze cho. Dluft da obe isch noed nur sehr duenn, sondern au sehr troche und ide Nacht "arschchalt".

Salar de Uyuni Trip

Idruecklich isch natuerlich au dae hoechstglegeni Salzsee mit sinere Groessi (en Achtel vode Schwiiz!). Dae Maa mitem rote Fuessballliibli isch euse sehr erfahrene und humorvolle Fahrer gsi. sAbschluessende Fuessballspiel gaege Bolivie ufem Salzsee isch trotz dae Hoechi vo 4300MuM zugunste vode Schwiiz usgange!!!!

Salar de Uyuni Trip

Eine vo eusne idruecklichste Trip het ade Bolivianisch Grenze agfange. Sind inen Jeep verfrachtet worde und quer durch diae staubigi und ruppigi Wueste vo San Pedro de Atacama richtig Uuni gfahre. Sprogramm isch zimli packt gsi mit verschiedene farbige Lagune und Landschaftsforme. Speziell isch natuerli au diae Tierwelt uf praktisch 4500MuM: Flamincos, Vakunas (siehe Bild, traeged diae tuersti und besti Wulle), Lamas und vor allem Alpacas...

San Pedro de Atacama

Mir wo siit fast 6 Moenet praktisch nur uf Meereshoechi glebt hend, sind ez doch no nach 3 Taeg meh oder weniger akklimatisiert... Wiiter gahts richtig Bolivie und damit uf ueber 4000m ue!

San Pedro de Atacama

Dae trochnisti Ort uf daere Welt, aber au eine vodae fasziniaerendste! Da obe uf 2436MuM hend siit 12

Jahr kei Rege me gseh...